Friday, 9 October 2026

நான் ஹிந்து

வேதம் முழங்கும் பூமி இது, வேள்வி புகன்ற நாடு இது,
கீதை உரைத்த தத்துவத்தில் கிளரும் அறத்தின் கூடு இது!
‘யாதும் ஊரே யாவரும் கேளிர்’ என்றே உலகை அணைத்த மதம்,
தீதில் அறிவும் திவ்ய அருளும் திகழும் எனது ஹிந்து மதம்!
நான் ஹிந்து என்று நெஞ்சம் நிமிர்த்தி நாளும் பெருமை கொள்கின்றேன்!
வானுயர் தர்மப் பாதையில் நின்று வழியை நெறியாய் வெல்கின்றேன்!
கல்லிலும் இறைமைக் காட்சி காணும் கண்கள் திறந்த பக்தி நெறி,
சொல்லிலும் செயலிலும் உயிர்கள் யாவும் ஒன்றென உரைக்கும் ஞான நெறி!
கங்கையும் காவிரியும் ஓடிடும் நிலத்தில் காலடி பதித்த பண்பாடு,
மங்காத ஆன்ம ஒளியை ஏற்றி வைக்கும் சனாதனப் பெருங்காடு!
உள்ளப் பகையை வெல்லச் சொன்ன உன்னத யோகக் கலை எமது,
எள்ளளவும் பிறர் நோவா வண்ணம் வாழும் அகிம்சை நிலை எமது!
காலம் கடந்தும் நிலைத்து நிற்கும் ஆல மரத்தின் வேர்களடா,
ஞாலம் போற்றும் ஹிந்துப் பண்பின் ஞாயிறு உதித்த சீர்களடா!
நான் ஹிந்து என்று நெஞ்சம் நிமிர்த்தி நாளும் பெருமை கொள்கின்றேன்!
வானுயர் தர்மப் பாதையில் நின்று வழியை நெறியாய் வெல்கின்றேன்!

No comments:

Post a Comment